نكت مغربية

السلام عليكم ورحمة الله..

كنتمنى يعجبوكم هاد النكت كي عجبوني

هذا واحد حلم باللي الحمار ديالو حشاكم يهضر معاه قالو سير تحت الشجرة غتلقى 20 مليون خودهم وعطي منهم للقاضي 5 المليون بشرط كي تلقاني ميت دفني ف المقبرة ديال العباد، فاق السيد من الحلم ما صدقش مشى تحت الشجرة لقا 20 مليون زاد رجع للدار لقا الحمار ميت، بدا كينفّد ف الوصية ودفنو ف المقبرة ديال العباد السكان رفضو هاد الشي وشكاوا بيه عند القاضي.. سولو القاضي آش وقع ليك دفنتي حمارك مع الموتى ديالنا؟ حكى لو السيد الحلم وقالو راني لقيت 20 مليون والحمار راه وصّاني وقاليا عطي للقاضي 5 المليون، القاضي ما صدقش وقالو زيد واش قال المرحوم.

هادا واحد كتعجبو بنت خالتو بزاف واحد النهار جات عندهم للدار هي وجداه، فنص الليل هو يهبط بشوية ودخل عليهم للبيت فين ناعسين بغا يبوس بنت خالتو داخ مع الظلام باس جداه وهي تقوليه جداه "سعيد مالك ؟" قالها تهلاي أجدة فراسك أنا مسافر.

قاليك هذا واحد الدمدومة شدوه ف الكوميسارية مابغاش يعترف قاليهم الكوميسير جلسوه على قرعة، قاليهم الدمدومة واش ما عندكم كراسى.

واحد خونا دار كسيدة مع كاوري الكاوري قال لخونا ohhh i'm sorry رد عليه حتى أنا مسوري.

هادي واحد المرأة شارفة جأت من الحج، وهي تخرج في يوم الغد باش تفرق الشريحة والتمر على دراري صغار.. المهم ركبات على حمارها و مشات وحد شوية وهو يدوز من حداها واحد القط وقال ليها صباح الخير الحاجة وهي تقفز وقالت هاويلي حتا من المشاش ولاو تيهضرو وهو يقول ليها حمارها هانتي تشوفي ألحاجة.

يسعدني ان اكون اول من ترد على الموضوع

النكت جدا طريفة و متميزة

شكرا لك

ننتظر جديدك المتميز