اليوم جبتلكم بوقالات ولازم تنوي قبل متقرا البوقالات اضن راكم فهمتوا اختر من 1 الى 15 قبل ماتشوف البوقالات لازم تنوي وتخير الرقم نخليكم مع البوقالات..................... ....
****************************** **************
****************************** ***
*************************
****************
********
****
*
الاولة
مع الشمس الصبيحة عيني شافت لبعيد . فارس من الثنية جاني نهار العيد . طلبت ربي يحن عليا وحققلي حلمي الوحيد
الثانية
شفت الزين بعيني واش يصبرني عليه ابكيت على سنيني اللي فاتت بلابيه الحبيب اللي يبغيني ليا ربي يخليه
الثالثة
قولوا قولوا والقول في عينيكم انا اديت الخمري وعشرة في عينيكم
الرابعة
سقاني من كاس الدهب خلالي كبة في القلب والله اللي ما امن بالغرام يطول الزمان ويجرب
الخامسة
الخمري يالخمري يا معجوني في الكاس انا نحبك ونبغيك واش عندي في الناس
السادسة
كبشي مديتو والسميد وجدتوا ادا كتب المكتوب غير انا اللي ندخل بيتوا
االسابعة
دارنا علات وشمسنا ضوات والطفلة اللي نحبها راهي جات وهي لالة البنات
الثامنة
نحبك قد العسل وحلاه وقد الدهب وغلاه و قد السماء وعلاها
التاسعة
روح يا الطير وصل سلامي للزينة في اوراق التشينة قولها مازالك في القلب ديما
العاشرة
سمرة ياسمرة راهم عايروني بيك نخرجوا اللساحة نتضاربوا واللي يغلب يديك
الحادية عشر:s hay:
احمد يا احمد ارواح تشوف حالي راني مثل الحزينة اللي ما عندها والي
الثانية عشر
كي طلع القمر اخرجت ليه نجري صبت عليه المطر فرشتلوا حجري اتلم الغدير هداك ما جاب زهري
الثالثة عشر
يالي زايدة في عدابي في الليل وفي النهار نترجاك اعطيني كلمة من فمك يرحم اللي رباك
الرابعة عشر
عيني في عين الحبيب وفمي حاشم انا تمنيت الحنة معاه ندير الخاتم
الخامسة عشرة
ادا انت بحر انا حوت فيك وادا انت جنان انا وردة فيك وادا انت تبغيني انا نموت عليك
انشاء الله يعجبوكم نستنى ردودكم احر من النار يالغاليين
موضوع: بوقالات و لا أحلى 
